Saturday, March 29, 2008

الحضري مغلطشي......الحضري عمل الصح

الناس كلها مش عاجبها الي عمله الحضري
و الحضري الي كان الناس شايلاه على الكتاف نزلوا بيه لسابع ارض
بعد ما كنا بنقول ارقص يا حضري... بقينا بنشتم في الحضري
هو الحضري عمل ايه يعني؟؟؟؟؟
الحضري نفذ الي بيقوله قانون الفيفا
طب ما الاهلي كان هيجيب سيد معوض بنفس البند
اليه الي حصل يعني؟؟؟؟؟
ولا هو حلال على الاهلي و حرام على غيره؟؟؟؟؟؟

الحضري بقاله12 سنه في الاهلي و كان نفسه يحترف
يعني الحضري ادى للاهلي كتير
و كان نفسه يطلع بره ....ايه المشكله يعني؟؟؟؟؟
هو اكيد بيدور على المقابل المادي برضه
ما هو برضه مليون دولار في الموسم مش شويه يا جماعه

انا لو جالي المبلغ دا هبيع الاهلي و الي فيه .....مع العلم ان انا اهلاوي جدا و بحب الاهلي مووووووت
بس مصلحتي فوق كل شيئ

يعني نفترض الاهلي ساب الحضري
في كام واحد في مصر هيسئل عليييه؟؟؟؟

يعني مثلا محمد عبدالوهاب الله يرحمه
مبتجيش سرته الا لما نقول الله يرحمه
بس حد سال على اهله؟؟؟؟
اهله ناس على قدهم .....حد سأل عنهم ولا شاف هما عيزين ايه؟؟؟؟
اكييد لا طبعا

شوفتوا بقى عصام عنده حق و لا لأ؟؟؟؟
محدش هيسأل عن عصام بعد ميعتزل
الراجل عايز يأمن نفسه برضه يا جماعه

و بعدين هو اتحايل على انادي انه يحترف و كان الرد ان الاهلي محتاجك
طب و بعديين
الكلام ما بأكلشي عيش
و ولاده محدش هيعبرهم لو حصله حاجه لا قدر الله

من الاخر الحضري عمل الصح
و الي مشعاجبه يروح يشتكي
و الجمهور الجاهل الي بيشتمه دا مش فاهم حاجه
دول ماشين مع التيار.... معاهم معاهم .....عليهم عليهم
افهموا بقى و بلاش تعصب على الفاضي


و ارقص ياحضري








No comments: