Friday, March 28, 2008

بيطري..بيطري..بيطري..بيطري..بيطري..بيطري..بيطري..بيطري

للي ميعرفشي انا طالب في كلية طب بيطري
يا جماعه الكليه مستقبلها حلو و ممكن تكون جميله
انا بقول الكلام دا بس علشان محدش يغير رأيه لما اكمل كلامي
و لو ابن حضرتك جاله طب بيطري ...تقول قدر الله و ما شاء فعل و دخله الكليه و امرك لله
انما بقى لو بنت حضرتك جالها بيطري فدي نصيحه لله مطلعش او مطلعيش بنتك دكتوره بهايم
لان دي هتفضل وصمت عار لحد متموت...
يجي عريس يتقدملها ...هتقوليله ايه؟؟؟؟
بنتي دكتورة بهايم؟؟؟؟؟
انا لو منه هصرف نظر من غير مفكر.
و بعدين البنت في الاخر ملهاش الا بيتها وجوزها برضه!!!!!!!!


نرجع بقى للولد الي ملحقشي تنسيقه الا بيطري مع ان نفسه انه يخش اسنان
هنعمل ايه ؟؟؟؟
دا نصيبه.....
يخش اول سنه بيطري
تنسيقه جه اسيوط......هيعمل ايه ؟؟؟؟؟يروح اسيوط و امره لله

ابوه و امه مصدقوا ابنهم يلحق اي حاجه في الطب...مش احسن من علوم برضو!!!!!!!!
المهم يروح اسيوط و يلاقي الدكاتره هناك مقدرين الموضوع و عارفين ان الولد داخل غصب عنوا
دا غير ان الجامعه هناك تحفه...

و يقوم عميد الكليه يجبلوا شخصيات ناجحه في الحياه و يقولوا ان دول كان اصلهم بيطري
و طبعا مهما تعملوا فصاحبنا كدا كدا مش طايق الكليه

المهم تعدي السنه الاولانيه بسلام و صاحبنا يجيب جيد...
الحياه حلوه بس نفهمها....

و يجي صاحبنا و يغلط غلطة عمره....
اه والله غلطت عمره
يقوم صاحبنا محول بيطري كفر الشيخ...
للي ميعرفشي كفر الشيخ يا جماعه ,فدا احسن اختراع بعد الكهرباء و الي مش مصدق يروح الكليه و يتفرج......

علشان تحول كفر الشيخ بيشيلوك تلت مواد و انت جاي من اسيوط .
يعني سنه تانيه فيها خمس مواد و شايل تلات مواد يبقى معاك تمن مواد
و طبعا الدكتره بيساعدوك انك تشيل كمان و كمان
اه والله مش مصدقين؟؟؟؟؟

المهم صاحبنا كمل في كفر الشيخ و مسمعشي كلام صحابه الي عملوا الصح و رجعوا اسيوط
و في الاخر خد على دماغه و شال السنه
المهم ان هو خلص السنه و قال اشد حيلي السنه الي بعديها ان شاء الله
و شد حيله اكتر مما كان في اسيوط
دا كان جايب جيد بصباع رجليه
و الي حصل السنه الي قبليها حصل السنه الي بعديها

يعني على الواد يا جماعه اتعقد في عيشته
و الناس بتبصلوا على انه دكتور
يعني الدكتور راح...الدكتور جه
للاسف ميعرفوش الي فيها

المهم نجح السنه الي بعديها و قرر ان هو ينجح خلاص
معدشي ينفع قعاد في الكليه
شد حيله السنه الي بعديها و نجح برده الحمد لله
المهم الواد في رابعه دلوقتي
يعني فاضله سنه و يخلص


ادعوله يا جماعه



1 comment:

Anonymous said...

طبعا كلامك سليم برضه منقرضش نغلطك فى اى كلمة من اللى انتا قلتها وكمان ازيد عليك انهم يلغوا بيطرى كفر الشيخ دى اساسا عشان انا مش شايف ان اللى بيدرس فيها دول دكاترة اساسا
ياجماعة الدكاترة اللى هناك بيتعاملوا معانا اسوء من معاملة الظابط الرزل اللى بيمسك الحرامى ويبهدل امله ومسخر كرامته انا دخلت الكلية دى وانا كرامتى مرفوعة وللاسف حاسس انى هاخرج منها من غير اى كرامة على الاطلاق خالص
معلش ياجماعة انا حبيت اففض شوية عن بيطرى كفر الشيخ اللى اتمنى انى اقوم الصبح الاقى الكلية دى وقع عليها طيارة دمرتها تماما او زلازال هد الكلية على دماغ اللى الدكاترة اللى فيها